Fredag

Rakfisk, Forte Fortississimo, konsert og lunsj på Noraker

Konsert og lunsj på Noraker Gård. Både ferskvare og godt laga og lagra står på bordet og programmet. Unge talent og erfarne musikare bidreg med musikalske godsakar. Etter dette kan ein gi seg hen til Noraker Gård sine mange rettar og variantar.

Meistermøte klassisk, med Andreas Brantelid og Ragnhild Hemsing. Ope meisterklasse i Frikar-Smia

FRAMR for klassisk musikk og folkemusikk er Hemsingfestivalens eige talentprogram. FRAMR rettar seg mot unge talent der dei møter utøvarar frå begge sjangrar og får innsikt i kva rolle folkemusikken har for den klassiske musikken og omvendt. Hovudelementa er: Audition, seminar om og med klassisk musikk og folkemusikk og danserytmar i folkemusikken, ope meisterklassar med instruktør, deltaking som musikarar i utvalde verk på konsertar.

FRAMR er det einaste og fyrste programmet i sitt slag som omfattar talent både innanfor klassisk musikk og folkemusikk. Programmet er eit nasjonalt tilbod der alle kan melde seg på ved ein ope audition-runde. Fem unge talent er invitert til festivalen i 2023. Og tilbodet er gratis for deltakarane.

Akkompagnement på klaver: Anna Fedorova

Talent: Frida Leanne Rogn (cello), Bjørg Pas (fiolin), Ane Stakston Aasen (fele), Andreas Grimstad (Bratsj) og Ragna Valde Sletten (flatfele).

Meistermøtet er ope for publikum.

Festivalens kafé er open frå 13.30 for enkel servering.

Musikkapperitiff: Galskapens historie i Valdres og Hallingdal
-ein dansekonsert med Jan Beitohaugen Granli og Hallgrim Hansegård

Dei gamle frikarane var godt kjende for dansen og karstykkjene sine, men gjorde seg også bemerka gjennom livsføring og nevebruk. FRIKAR-gründer Hallgrim Hansegård samlar på historier og rørslekultur frå den norske kulturarven. Her presenterer han i lag med spelmann Jan Beitohaugen Granli historiar, karstykkje og låttar frå ein særleg livatt del av norsk folkemusikk. Gå ikkje glipp av dette nære møtet! Her er ein video av duoen: https://youtu.be/jxhNWYTUiQQ

Sal av varm mat (majel), rakfisklefse frå Noraker og drikkevarer.

Iskonsert, "Vintersongar" med Terje Isungset og Karoline Wallace ved Frikar-Smia (konsert nr. 1)

Denne konserten baserar seg på Isungset sine komposisjonar kombinert med tradisjonelle songar, alle relatert til vinter. Karoline Wallace på vokal og Terje Isungset på sine is-instrument.

-Ein intimkonsert. Me anbefalar varme klede sjølv om atmosfæra vert varm. Isbar med sal av drikkevarer ute.

Denne konserten skulle vere ein iglokonsert,menp å grunn av mildvêr er det diverre no ikkje mogleg å byggje iglo. Difor blir igloen erstatta av ein jurt, som er eit mongolsk telt. Konserten er framleis utandørs ved Frikar-Smia, og konsertprogrammet med is-instrument er uendra.

foto: Knut Bry

Forklåra natt, klassisk kammerkonsert i Aurdal kirke

Med kammermusikk tenkjer me gjerne på strykekvartettar. I kveldens konsert er Goldmund-kvartetten sentral. Me får høyre musikk av to meistrar innanfor sjangeren som ikkje figurerer så ofte i programma. Luigi Boccherini var ein meister ved det spanske hoffet samtidig med Haydn, og han inkluderte ofte det spanske nasjonalinstrumentet – gitaren – i komposisjonane sine. Arvo Pärt kjem frå ein heilt annan tradisjon, og med si inderlege og enkle stemme er han blitt ein av dei mest framførte og populære komponistar i vår tid.
Eit bestillingsverk for kvartett kjem også, men her er det fire feler som spelar opp. Søskenpara Hemsing og Larsen spelar eit stykke komponert av Gjermund Larsen.

Til slutt i konserten kjem eit av dei mest sentrale verka i kammermusikklitteraturen, Arnold Schönbergs «Verklärte Nacht» («Forklåra natt») for sekstett. Det bygger på eit dikt av Richard Dehmel som gjenspeglar korleis mennesket gjennom kjærleik kan forvandle seg.

Me inviterer vidare til Konsertkviss kl. 21.00 i Frikar-Smia. Der er det mogleg med kjøp av varm mat og drikkevarer frå kl. 20.00.

Iskonsert, "Vintersongar" med Terje Isungset og Karoline Wallace ved Frikar-Smia (konsert nr. 2)

Denne konserten baserar seg på Isungset sine komposisjonar kombinert med tradisjonelle songar, alle relatert til vinter. Karoline Wallace på vokal og Terje Isungset på sine is-instrument.

-Ein intimkonsert. Me anbefalar varme klede sjølv om atmosfæra vert varm. Det vert isbar med sal av drikkevarer ute.

Denne konserten skulle vere ein iglokonsert,menp å grunn av mildvêr er det diverre no ikkje mogleg å byggje iglo. Difor blir igloen erstatta av ein jurt, som er eit mongolsk telt. Konserten er framleis utandørs ved Frikar-Smia, og konsertprogrammet med is-instrument er uendra.

foto: Knut Bry

Sal av mat og drikke i Frikar-Smia i Aurdal før Konsertkviss kl. 21.00

Varm mat (majel) frå Fagernes Landhandel, rakfisklefser frå Noraker Gård og bakevarer frå Bakeriet i Valdres. Drikkevarer m.a frå Små Vesen - med og utan alkohol.

Konsertkviss i Frikar-Smia

Tradisjonen tru avsluttar me fredagskvelden med ein uformell kviss. Konsertkviss er ei gyllen anledning for deg til å bli kjend med musikarane frå ei annan side. Bente Hemsing og Erling Dahl jr. leiar kvissen, og festivalens artistar opptrer. Innimellom musikkinnslaga blir det varierte spørsmål som publikum kan svare på enkeltvis eller i gruppe.

Sal av lokalmat og drikkevarer frå kl. 20.00. Varm mat (majel) frå Fagernes Landhandel, rakfisklefser frå Noraker Gård og bakevarer frå Bakeriet i Valdres. Drikkevarer m.a frå Små Vesen - med og utan alkohol.