Torsdag

Trykk her for program og for å lese om PEER GYNT-prosjektet til Ragnhild Hemsing og TrondheimSolistene

Program

♫ AAREHGÏJRE – “Tidleg vår” – ved
Marja Mortensson, TrondheimSolistene


♫ «Gaavnedien» - me to møtast, eit bestillingsverk av Ørjan Matre for Marja Mortensson, Ragnhild Hemsing og TrondheimSolistene (bestilt av Hemsingfestivalen)

♫ PEER GYNT, frå scenemusikken til Edvard Grieg op. 23
Ragnhild Hemsing og TrondheimSolisteneMusikk ved Marja Mortensson og TrondheimSolistene

Om PEER GYNT, frå Ragnhild

Edvard Grieg har sjølv sagt at Peer Gynt-musikken hans er inspirert av norsk folkemusikk. Med det i tankane har ønsket mitt med dette prosjektet vore å trenge djupare inn i lydverda til Peer Gynt-musikken og utforske det spennande skjeringspunktet mellom folkemusikk og klassisk musikk.

Eg har spelt folkemusikk parallelt med klassisk musikk gjennom oppveksten, og eg har alltid vore fascinert av både likskapane og kontrastane mellom dei to tradisjonane, når det gjeld spelestil og lydbilde. For meg berikar desse instrumenta og dei to sjangrane først og fremst kvarandre, når dei blir knytte til kvarandre. Faktisk har kombinasjonen av desse sjangrane vorte den musikalske identiteten min.

Eg synest det er veldig interessant å sette saman eit repertoar av verk av ein komponist som er inspirert av folkemusikken og folketradisjonane i sitt eige land. Musikkstykke i eit sliktrepertoar kan nokre gonger sitte naturleg og behageleg saman, men dei kan også innehalde kontrasterande element som skjerpar samanstillinga. Dette er innslaget – kontrasten – som opnar vegen for hardingfela, med slektskap til den klassiske fiolinen og folkemusikk-DNA-et den har. Det er ingen motsetningar i å ha begge instrumenta i same program, eller spele same musikk. For meg er det alltid viktig å vere open for påverknad utanfrå, og eg synest det er fantastisk at komponistar i dag ofte bruker folkemusikk på det musikalske språket sitt.

Scenemusikken til Peer Gynt kan no høyrast i ny kledning og lyd, arrangert av Tormod Tvete Vik. Eg har hatt ein idé og visjon rundt dette prosjektet i mange år og har alltid trudd at delar av musikken ville passe perfekt på hardingfela i kombinasjon med solofiolin og strykeorkester. Eg ønskte å dykke ned i stoffet i djupare musikalsk forstand, svært medviten om at folkemusikken og hardingfela var inspirasjonskjelda bak. Og eg er alltid open og klar for å bli overraska og utfordra undervegs i prosessen.

På fleire av dei nyarrangerte Peer Gynt-stykka improviserer eg på hardingfela. Med folkemusikk-røtene mine er det noko eg finn naturleg, og det er ein måte å svare på fridommen eg kjenner i musikken og på tradisjonen som eg ønskjer å bringe til den klassiske sjangeren.

Dette prosjektet er altså eit forsøk på å utforske samanhengen mellom norsk folkemusikk og klassisk musikk ved å gjenopplive folkerøtene til Griegs Peer Gynt-musikk. Det har vore spennande og givande å jobbe med arrangøren Tormod Tvete Vik i denne utforskingsprosessen med. Eg er også veldig takksam for samarbeidet med TrondheimSolistene om dette prosjektet, eit eminent strykarensemble som eg har likt å spele med fleire gonger tidlegare.