Mario Häring

M ario Häring vart fødd i Hanover, Tyskland, i 1989 og vaks opp i Berlin. Han kjem frå ein tysk-japansk familie med musikarar og fekk sine første erfaringar med piano og fiolin alt då han var tre år. I 1994 begynte han med pianotimar. Før han var ferdig med vidaregåande, hadde han begynt å studere hos professor Fabio Bidini ved Julius-Stern-Institute ved Universität der Künste i Berlin og hos professor Karl-Heinz Kämmerling ved HMTM Hanover. Han fullførte studia hos professor Kämmerling og professor Lars Vogt i 2017, med beste karakter.

Häring fekk ei spesiell anerkjenning ved Leeds International Piano Competition i 2018, då han vann andrepremie og den første Yaltah Menuhin Award for den beste kammermusikkframføringa.

Mario Häring debuterte med orkester i 2003 i Berliner Philharmonie. Seinare har han hatt konsertar i kjende konserthus i Hamburg, London og Tokyo. Han har gjesta store festivalar, og våren 2017 var han den første med ei lengre kunstnarisk tilknyting til den ferske festivalen :alpenarte i Schwarzenberg, Austerrike. Konsertoppdrag har ført han gjennom Europa, Asia og USA.

Han har spelt kammermusikk med utøvarar som Sharon Kam, Soyoung Yoon, Pablo Barragán, Kian Soltani og Emmanuel Tjeknavorian.

Høgdepunkt i sesongen 2022/2023 har vore å delta på festivalar som MDR Musiksommer, Festspiele Mecklenburg-Vorpommern og Heidelberger Frühling. Saman med Cristina Gómez Godoy og Sara Ferrández held han fram med ECHO Rising Stars Tour. Trioen skal då til dei viktigaste europeiske konserthallane i Wien, Paris, Hamburg og andre stader.

Dei siste sesongane har Mario Häring opptredd jamleg i dei største europeiske konserthusa, der han hadde konsertar saman med cellisten Kian Soltani og oboisten Cristina Gómez Godoy og bratsjisten Sara Ferrández som del av ECHO Rising Stars-serien. Han deler også lidenskapen for kammermusikk med fiolinisten Noé Inui, og saman med han sleppte han den ICMA-nominerte cd-en Identity.

Debutalbumet hans, Russian Moments, var dedisert til arbeid av Rakhmaninov, Prokofjev og Kapustin. Til Debussy-jubileet i 2018 sleppte han det kritikarroste albumet …les Préludes sont des Images, der han leverer stemningsfulle tolkingar av verk av Debussy. For dette vart han nominert til ein ICMA og Opus Klassik. Albumet Røta – eit prosjekt med fiolinisten Ragnhild Hemsing og cellisten Benedict Klöckner – fekk ein Opus Klassik-pris i 2021.