Hemsingfestivalen 2024
Liv Bernhoft Osa
Liv Bernhoft Osa er fast tilsett skodespelar ved Nationaltheatret, der ho har hatt mange store roller sidan ho begynte i 1979. Ho har også spelt på mange andre scener i landet, som Den Nationale Scene, Det Vestnorske Teateret, Riksteatret, Oslo Nye Teater, Nordland Teater, Det Norske Teatret og Fjernsynsteatret. Siste rolle var mor Aase i Peer Gynt på Gålå sommaren 2023.
Osa fekk Heddaprisen for Fru Fåttnok i 2011, i Uskyld på Nationaltheatret. Nokre hugsar henne kanskje frå fjernsynet i serien Vestavind og som Nissemamma i Jul på Månetoppen.
Liv Bernhoft Osa har også vore med i fleire filmar. Ho fekk Amandaprisen i kategorien beste kvinnelege skodespelar i Pyromanen i 2016, og Kanonprisen for same rolle i 2017.
Osa er utdanna ved Statens teaterhøgskole.