Håvard Gimse

Håvard Gimse er ein av dei mest populære og signifikante artistane i Norden når det gjeld konsertframføringar og cd-innspelingar. Spelet hans har ein svært personleg klang, han har ei sympatisk tilnærming og ei smart og utforskande program som har ført til ei mengd prisar og tallause gode meldingar. Blant anna har han fått Diapason d’Or og Gramophone’s Editor’s Choice accolades for innspelingane sine saman med cellisten Truls Mørk. Han har laga innspelingar på plateselskap som Naim Audio, Sony Classical, Chandos, Simax, Naxos, Lawo, Fabra and Alpha-Classics. Innspelingane hans, særleg av nordisk repertoar som dei fullstendige klaververka til Sibelius, eller utvalde verk av Grieg eller Geirr Tveitt, har vore beskrivne som «det beste på marknaden». Når det gjeld Tveitt, har Gimse òg vore med på å rekonstruere arbeid frå gamle opptak med komponisten, sidan mange av desse stykka  gjekk tapt i ein tragisk brann.

Uansett kvar han spelar, prøver Gimse å få fram musikk frå sitt eige område. Mange stader har dei fått høyre musikk frå kjende og ukjende musikarar frå Noreg, Sverige, Finland eller Danmark for første gong gjennom Gimses spel.

Håvard Gimse har opptredd på mange prestisjefylte scener, for eksempel i London, New York, Brussel, Amsterdam, St. Petersburg, Praha og Berlin. Nyleg framførte han Beethovens 5. i Bridgewater Hall i Manchester saman med Hallè Orchestra, og han spelte Bartok i Oslo konserthus saman med Oslofilharmonien. Framføringa og innspelinga av den andre pianokonserten av Rakhmaninov med Maestro Petrenko under pandemien har vore ein av dei mest besøkte videoane til Oslofilharmonien til no.

Ved sida av alle desse store hendingane har Gimse i alle år halde fram med å opptre på mange små, lokale arrangement. Det er truleg ingen nolevande klassisk utøvar som har besøkt så mange hjørne av landet, både som solist og i samspel. Det lange samarbeidet hans med fiolinisten Arve Tellefsen har vore ein inspirasjon i dette, og gjennom åra har Gimse utvikla ein interessant profil der han har samarbeidd med hardingfelespelaren Knut Buen, songaren Arve Moen Bergset, jazzsaksofonisten Bendik Hofseth og skodespelarar som Liv Ullmann og Lise Fjeldstad. Også venner som Nico Widerberg og forfattaren Levi Henriksen har bidrege til Gimses varierte arbeid, der han ofte har som mål å nå nye lyttarar.

Håvard Gimse er no æresmedlem av Kongsvinger, der han vart fødd og no bur saman med familien. Her begynte han å spele piano då han var seks, og seinare studerte han i Oslo med professor Bratlie. Vidare studerte han ved Mozarteum Salzburg og under Hans Leygraf ved Hochschule der Künste I Berlin. Den siste læraren hans var vore den kjende pianisten Jiri Hlinka.

Håvard Gimse har fått mange prisar gjennom åra. For få månader sidan fekk han Lindeman-prisen, som er rekna som den viktigaste musikkprisen i Noreg. Gimse har opptredd med nesten alle store skandinaviske orkester. Vidare har han spelt med mange orkester i utlandet. Nyleg har han spelt med Tokyo Philharmonic, Prague Symphony, Konzerthausorchester Berlin, Frankfurt Radio og Belgian National Philharmonic Orchestras.

I tillegg til å vere solist har Gimse heile livet spelt mykje kammermusikk. Han har vore med på mange kammermusikkfestivalar over heile verda, der han har spelt saman med mange av dagens kjende musikarar. Han har vore leiar for kammermusikkfestivalar både i Elverum og Fredrikstad (Mozartfestivalen) og har vore med på Oslo kammermusikkfestival i nærare 30 år.

Sidan sist på 90-talet har Håvard Gimse vore lærar i piano og kammermusikk ved Noregs musikkhøgskole, og studentane hans, som kjem frå alle verdsdelar, har spesielle prosjekt der dei gjer djupdykk i pianomusikk av ein spesiell komponist, og held offentlege konsertar.

Håvard Gimse leier også det nasjonale initiativet for å få fram ungdomstalent, og underviser barn ved Siljestøl musikkakademi, i heimen til komponisten Harald Sæverud.